Құндылықтарды дәріптеуге арналған бейне роликтер​

Құндылықтарға негізделген білім беру заман талаптарын ескере отырып, адамның ізгі қасиеттерінің маңыздылығын көрсететін бейне роликтер ұсынады. Әр түсірілімде адам бойына қажетті құндылықтарды насихаттайтын тақырыптар қамтылған. Уақытының бірнеше минутын ғана бөлу арқылы осы роликтерді көрген әрбір жанның жүрегі жақсы сезімдерге бөленіп, ойына жаңа серпілістер сыйлайды деп сенеміз.

Play Video

Соңғы бейнеролик: МЕН ЕЛІМНІҢ ПАТРИОТЫМЫН!

Бір сәтке ойланып көріңізші! Сіз үшін патриот болу дегеніміз не? Патриотттық сезім немен өлшенеді? Өзіңізді елімнің патриотымын деп айта аласыз ба? Патриотизм – өз Отанын, халқын шексіз сүюшілік, барша күш-қуатын Отан мүддесіне арнаған адамға тән терең сезім. Патриотизм – Отансүйгіштік сезімдердің әрекетке айналуы. Отансүйгіштік – өзінің жеке мүдделерін жалпы елдің мүдделеріне бағындыратын, адал қызмет етіп, қорғауды мақсат ететін терең құрмет пен  сүйіспеншілік сезімі. Әр ел өз тұрғынының Отан алдындағы адалдығымен, Отан үшін еткен ісімен көркейеді. Адам өмірінің өзегі – құндылықтар, ал басқа мақсаттар оған жеткізетін баспалдақтар ғана!

КӨК ТУДЫҢ ЖЕЛБІРЕГЕНІ

Нәтижеге жету үшін ең бірінші не қажет деп ойлайсыз? Әрине бірлік! Өзгелермен бір мақсатта түйісу! Өзіңмен келісіп, бір шешімге келу! Ел бірлігін сақтау мен еліміздің дамуына өз үлесімізді қосу ынтымақтастық әрекеттен басталады.  Ынтымақтастық – ортақ мүддеге ұйысып, ауызбіршілікті арттыратын, тату көзқарасты сақтайтын қабілет. Ынтымақ бар жерде ақылдасу, көмектесу, қолдау көрсету, бірлесіп жұмыс істеу әдеттері қалыптасады. Достық қатынасты сақтаудың жауапкершілігі сезіледі. Ауызбіршілікті сақтау үшін өзара түсінісудің қажеттілігін ұғынады. Адам өмірінің өзегі – құндылықтар, ал басқа мақсаттар оған жеткізетін баспалдақтар ғана!

БЕРЕКЕЛІ ДАСТАРХАН

Сізге қонақ келсе, қонақтың жағдайын қаншалықты жасайсыз? Өз қалауыңыздан гөрі қонақтың қалауын жоғары қоя аласыз ба? Жомарттық – қол мен көңілдің ашықтығын көрсететін адамның ең жоғары қасиеті. Ол жас ерекшелікке, әлеуметтік жағдайға байланысты емес, кеудедегі жұдырықтай жүректің жылуына, көңілдің кіршіксіз тазалығына тәуелді болса керек. Көмек қолын созу үшін оңтайлы уақытты іздеудің қажеті жоқ. Жылы қабақ танытып, мейірім мен қамқорлықты сезіне білу жеткілікті. Адам өмірінің өзегі – құндылықтар, ал басқа мақсаттар оған жеткізетін баспалдақтар ғана!

Эмпатия жайлы

Табандылық жайлы

Ынтымақтастық жайлы

Құрмет жайлы

Және тағыда басқа құндылықтар жайлы
жуырда!

Құндылықтарға негізделген мектеп жайлы

YouTube парақшамызға жазылыңыз

Құндылықтар жайлы бейне роликтер ең алғаш YouTube парақшамызда жарияланады